Tradisi Goah: Warisan Karuhun dina Acara Adat

 Tradisi Goah: Warisan Karuhun dina Acara Adat

Goah sacara harfiah ngandung harti tempat neundeun béas jeung kadaharan di rohangan husus, umumna anu utama pikeun nyimpen beas. Di Goah paling saeutik aya hiji gentong minangka wadah tempat neundeun beas. Tradisi ieu geus aya ti jaman karuhun urang jeung masih dilestarikan dina rupa-rupa acara adat di masarakat, saperti kawinan atawa khitanan. Dina kontéks kajadian, Goah téh lain ngan saukur tempat neundeun, tapi miboga harti ritual jeung spiritual anu penting.  

(Muhamad Ibnu Digan)

Dina acara-acara nu tangtu, kayaning kawinan atawa khitanan, tradisi goah dilaksanakeun ti mimiti acara dimimitian nepi ka réngsé. Fungsi goah ieu lain ngan ukur pikeun neundeun dahareun, tapi ogé salaku rohangan utamana anu kudu dijaga ketat ku anu dipercaya. Jalma anu dibéré pancén ngajaga goah diwajibkeun pikeun awéwé lain lalaki, anu. disebut "candoli". Ngan candoli anu di idinan asup ka goah, sedengkeun jalma séjén dilarang asup ka kamar. Tugas Candoli lain ngan ukur ngajaga, tapi ogé mastikeun kasadiaan masakan prasmanan dina acara éta dijaga. Lamun kadaharan di prasmanan mimiti béak, candoli dieusi deui tina bekel nu disimpen di goah. 

(Nadya Putri)

Tujuan utama tradisi goah nyaéta pikeun ménta panyalindungan jeung kalancaran ka Alloh dina lumangsungna acara. Salian ti éta, nurutkeun kapercayaan karuhun, tradisi ieu oge boga tujuan pikeun menta idin ka leluhur atawa "karuhun" pikeun ngayakeun acara di eta tempat, sareng aya sababaraha kayakinan anu beredar ngeunaan béas anu disimpen di Goah. Sapertos masak sangu sareng parasmanan tina béas sareng bahan-bahan masak anu disimpen dina tong di Goah, nalika tuang éta, sanaos ngatuang sakedik, tapi patuangan tamu acra teh karaos na wareg jeung lamun tamu prasmanan datang, ngan ku nempo dahareun prasmanan anu disadiakeun, aranjeunna langsung ngarasa wareg. Ieu nembongkeun kumaha kabudayaan masarakat tetep nyambung kana nilai spiritual anu diyakini. 

(Nadya Putri)

Di goah, salian ti bahan kadaharan, aya ogé sesajen minangka bagian tina ritual. Sesajen ieu diwangun ku rupa-rupa inuman anu béda-béda rasa, contona kopi, cai jeung tèh, tuluy aya kadaharan tina prasmanan anu disimpen dina piring husus, roko, cerutu, sepahan sirih , kendi dieusi cai, kalapa ngora, endog hayam rancag jeung kembang dina mangkok leutik. Ieu sesajen mangrupa simbul pangharepan jeung hormat ka karuhun katut sabagéan pamenta sangkan acarana lancar. 

( Muhamad Raihan Fadhilah)

Prosésna ngalaksanakeun goah dimimitian ku ngumpulkeun bahan jeung parabot masak anu bakal dipaké pikeun masak hidangan prasmanan. Sanggeus éta, kulawarga anu ngayakeun acara ngayakeun do'a anu dipingpin ku kolotna minangka bentuk nyuhunkeun restu. Sanggeus solat réngsé, teras. bahan-bahan masakna diolah jeung di asak. Sabada masakan prasmanan geus asak, sawareh bebekelan jeung sesajen geus disayagikeun, tuluy dialihkeun kana goah jeung dijaga ku candoli nepi ka acarana rengse.

 (Vina Putri)

Salain aturan anu ketat ngeunaan, saha nu bisa asup ka goah, tradisi ieu oge aya sababaraha tabu. Candoli, misalna kudu ati-ati ulah loba teuing dahar, sabab diyakini lamun loba dahar, prasmanan bakal gancang béak. Salian ti éta candoli ogé biasana ngalaksanakeun puasa bari ngalaksanakeun kawajibanana, minangka wujud bakti jeung hormat kana ritual anu dilaksanakeun. 

(Vina Putri)

Tradisi goah mangrupa conto kumaha masarakat Indonesia, hususna anu masih kénéh taat kana tradisi, adat istiadat, ngalestarikeun warisan karuhun. Tradisi ieu lain ngan saukur rutin dina acara-acara, tapi ogé mangrupa wujud rasa hormat ka karuhun jeung gusti Alloh, kalayan harepan acara ieu lancar tur ngajauhan hal-hal nu goréng. Ngaliwatan tradisi ieu, generasi penerus diajar pikeun terus ngajénan nilai-nilai spiritual anu aya dina unggal upacara adat.

(Muhamad Ibnu Digan)

Dokumentasi kegiatan

Anggota Kelompok: • Nadya Putri • Muhamad Ibnu Digan • Muhammad Raihan Ismail • Vina Putri